cesario
éche outro de nontá. Non ten nada de particular, Cesario, máis que é de moito falar e non sempre ben. Ou sexa un malalingua e un falabarato. Pero alén diso, na taberna quereno moito. Ghasta viño e consola a unha seghiña que vive alá.
Pola mañá ben cedo Cesario entra na taberna e non dá os bos días. Arrouta "Cagho no sol! ". E así día tras día do ano cagha no sol, cagha na choiva, cagha na xiada, cagha na neve ou na néboa, pero todas as mañás cagha no tempo. Así a seghiña que vive alá ten conta do día que está na porta.
